Ben Fayot (LSAP)

Kandidat Chamber 2009
Dieses Profil dient zu Archivzwecken, eine Befragung ist nicht mehr möglich. Besuchen Sie das aktuelle Profil.

Bonjour Madame ,

déi Weiderbildung vum SCRIPT iwer t;Philosophieren mit Kindernt; richt sech un d´Schoulpersonal vun der Grondschoul (Léierinnen a Schoulmeeschteren souwuel wéi Chargé(e)s de cours) vun där Schoul. Ech kann mer gudd virstellen, dass et fir all Enseignant interessant ass, an egal wat fir engem Fach hei an do emol ze philosophéieren.

Doniewend gët ët Enseignanten, déi sech wëllen an de Werteunterricht engagéieren. Och fir déi ass déi Weiderbildung secher nëtzlech. Dee Werteunterricht gët ët jo eigentlech elo schon an der ;Education morale et sociale;.
Wann den allgemengen Werteunterricht fir all Kanner agefouert géif, gi jo do d´Reliounen présentéiert, d´Werter vum Zesummeliewen wéi och Froen nom Sënn vum Liewen behandelt. Fir all déi Dimensiounen brengt d´Beschäftigung matt der Philosophie fir Kanner eppes.
Ech menge schon, dass d´Weiderbildung vum SCRIPT dem Léierpersonal an hirer Aarbecht an der Schoul hëlleft an déi Kompetenzen nët verluer gin.
Mat beschte Gréiss
Ben Fayot

Léiwen Här ,
merci fir är extrem interessant Fro iwert d´Zukunft vun der Mënschheet. Ech sin iwerzeegt, dass mer eng systemesch Kris erliewen, déi villes a Fro stellt, un éischter Lin déi absolut Prioritéit vun der Maximéirung vum Profit an der wirtschaftlecher Aktivitéit, déi zu engem extremen Egoismus, schlëmmen Emweltschied a soziale Keschte fir d´Leit féiert.
Dofir mussen a villen Aktivitéiten erëm méi gemengnëtzeg Prinzipien zum Droe kommen, besonnesch do, wou ët ëm liewensnoutwendeg Dengschtleeschtungen fir d´Leit allegur geht. Erzéiung, Gesondheet, Sozialdengschter, Kultur am ganz breede Sënn, öffentlech Infrastrukturen op héijem Niveau sin elementar Virgaben fir d´Liewen vun de Menschen, déi nët der Logik vum Profit ënnerworf därfe gin. Eng Dimensioun an där Richtung ass eng Solidarwirtschaft, déi nët profitorientéiert ass, mais sënnvoll Aarbecht fir Menschen offréiert, déi aus irgend engem Grond um éischten Aarbechtsmaart nët ukommen.
Zu der "window of opportunity" vun där Dir schwetzt, gehéiert och eng europäesch a weltweit Regulatioun vun de Finanzmärt, fir d´Dériven ze verhënneren an déi extrem Sich no schnellem Geld ze stoppen.
Vill vun denen Iwerleeungen gin elo schons an der politescher Diskussioun gefouert. Schwiereg ass et, eng Komvergenz ze fannen. Mais d´Richtung geht fir mech klor op de Wee vu grondlegenden Ennerungen an onsem Comportement - ob wirtschaftlech, ekologesch, sozial a kulturell - fir d´Kris ze iwerwannen an nei Formen vun Zesummenliewen opzebauen. Dofir setzen ech mech an der Politik an
Schéi Gréiss
Ben Fayot

Sehr geehrter Herr ,

Im LSAP-Wahlprogramm unterstreichen wir als LSAP, dass wir unsere Bemühungen fortsetzen möchten, "um die Psychiatrie menschenwürdiger zu gestalten. In diesem Sinne will die LSAP die kleinen, flächendeckend verteilten, stationären und ambulanten Therapieangebote ausweiten. Einrichtungen für psychisch Kranke wie das nicht mehr zeitgemäße Hochhaus des "Centre hospitalier neuro-psychiatrique" in Ettelbrück gehören eindeutig der Vergangenheit an und werden durch zeitgemäße Einrichtungen ersetzt.

Vermehrt sollen auch dezentrale Strukturen geschaffen werden, die sich speziell um psychisch kranke Kinder und Jugendliche kümmern. Luxemburg braucht auch eine Klinik für forensische Psychiatrie. Hier sollen straffällig gewordene psychisch kranke Menschen, die aufgrund ihrer Krankheit unzurechnungsfähig sind, ordnungsgemäß behandelt werden."

Ich habe übrigens gelesen, dass Sie sich mit Ihren Anfragen bereits an unseren Gesundheitsminister gewandt haben. Er hat Ihnen in verschiedenen Antworteschreiben versichert, dass "die Reform der Psychiatrie weit fortgeschritten ist, die akute Psychiatrie dezentralisiert, die gemeindenahen Strukturen ausgebaut wurden", dass er "aus der Reform der Psychiatrie eine erste Priorität gemacht" hat und dass er diese, sollte er "weiter Gesundheitsminister bleiben, resolut vorantreiben" werde. Der Gesundheitsminister hat Sie weiter auf die Anlaufstelle im Gesundheitsministerium verwiesen, an die sich jeder wenden kann, der sich schlecht behandelt fühlt oder Informationen über solche Situationen hat.

Ich denke, dass es sehr wichtig ist, dass die Reform der Psychiatrie in Luxemburg weiter geführt wird im Sinn einer humanen Psychiatrie. Dass eventuelle Missstände untersucht und gegebenenfalls Konsequenzen daraus gezogen werden müssen, scheint mir selbstverständlich.

Mit besten Grüssen,

Ben Fayot

Bonjour Här ,

Merci fir är Fro, déi gur nët onwichteg ass.
Als Stader hun ech mech laang matt dem Thema ofgin a sin och en iwerzeegten Unhänger vum Tram an der Stad wéi an de moderne Stied iwerhapt. A mëttelgrousse Stied brengt den Tram méi wéi de Metro oder d´Bussen eleng. E brengt Liewensqualitéit a Convivialitéit a Confort an Zouverlässegkeet an Energiespuren. Ech denken u Beispiller wéi Strossburg oder Bordeaux.
Ech weess nët, wat ët kascht, Park & Ride iwerall do ze bauen, wou ët vill Aarbechtsplaaze gët. Ech weess just nët, wéi mer dat sollen hikréien. An der Stader Agglomératioun gët ët niewend dem Stadzentrum an dem Kirchbierg vill Aktivitéitszonen a klenger Zentren, wéi Kockelscheier, de Südweste vun der Stad, Strossen a Bartreng, am Norden Walfer, Steesel, am Osten vun der Stad Schëtter, wou ee sech froe muss, wéi dat kënnt fonctionnéiren. D´Verkéiersflëss kommen aus dem ganze Land bezw. aus dem noen Ausland esou, dass jidfereen probéiert, méiglecht schnell an op kurzem Wee zu senger Aaarbecht oder dohin ze kommen, wou en ze din huet. Fir do déi richteg Plaazen fir Park & Ride ze fannen, schengt mer problematesch.
Wat d´Bussen ugeht, sin ech matt Iech eens, dass déi laang Gelenkbussen am innerstädtesche Verkéier onhandlech sin. Och d´Idi vun elektreschen Bussen oder aner méi ëmweltfrëndleche Bussen fannen ech gudd.
Ech erënneren drun, dass de Konzept Mobil 2020 virgeseit, den Zuch auszebauen a méi no bei d´Leit ze brengen. An der Stad gin nei Garen (Kirchbierg, Houwald, Céisseng) gebaut an d´Zuchlinnen ausgebaut, fir dass d´Leit nët allegur mussen op der heiteger Gare erausklammen. Den Tram geht vun där Gare bis bei déi um Kirchbierg, a spéider vleicht nach bis Hollerech. Secher mussen mer och versichen, méi Betrieber a Verwaltungen ze dézentraliséiren, wat méi séier gesot wéi gemaacht ass. Mais dat Verkéierskonzept matt Tram, Zuch a Bus combinéiert ass schlësseg. Als Stader Gemengepolitiker gesin ech fir den Abléck keng Alternativ dozou.

Matt beschte Gréiss

Ben Fayot