Ben Fayot (LSAP)

Kandidat Chamber 2009
Dieses Profil dient zu Archivzwecken, eine Befragung ist nicht mehr möglich. Besuchen Sie das aktuelle Profil.

Bonjour Hr ,
Wéinst der Oppositioun vun LSAP ( d.h. mir selwer an der Conférence des Présidents, déi den Ordre du jour vun der Chamber festleet) an CSV ass d´Gesetz 5846 nët op den Ordre du jour vun der Chamber komm a gët dofir nët méi an dëser Legislatur behandelt. Dëst Gesetz sollt de Gemengebeamten, déi an d´Netzgesellschaft schaffen gin, eng Secherheet fir hire Statut als Gemengebeamten gin. Mir hun ons als LSAP am Stater Gemengerot wéi an der Regierung ëmmer fir de Service public agesat a wëllen dat och an Zukunft esou halen. Wat d´Perspective am Energiesecteur ugeht, verweisen ech Iech un dat, wat mer an onsem Wahlprogramm soen: " Um die Energieversorgung Luxemburgs in einem liberalisierten Umfeld mittelfristig nicht aus den Händen zu geben, hat das Wirtschaftsministrium die Fusion der wichtigsten Luxemburger Versorger im Strom- und Gasbereich erfolgreich in die Wege geleitet. Als Hauptaktionär im neuen Energiekonzern kontrolliert der Staat die meisten Netze und kann so verhindern, dass die nationalen Energieversorger in falsche Hände geraten (...). Die neue Gesellschaft dient ebenfalls Luxemburger Gemeinden mit eigenen Netzen als Plattform, um ihren Bürgern auch künftig eine möglichst grosse Versorgungssicherheit gewährleisten zu können." (LSAP-Wahlprogramm 2009 S. 29) Dëst léisst de Gemengen Méiglechkeeten op, entweder an eng Netzgesellschaft ze goen oder hir eegen Netzer ze behalen oder ze hun. Dir kënnt secher sin, dass d´LSAP sech absolut bewosst ass, wéi wichteg d´Energieversuergung als Service public fir d´Verbraucher an natirlech och fir d´Personal ass a wärten ons Politik och an Zukunft dono ausrichten.
Schéi Gréiss Ben Fayot

Sehr geehrter Herr ,

Von Zeit zu Zeit wurde von Misshandlungen in der Psychiatrie, aber auch in anderen Institutionen in der Presse berichtet. In jedem Fall muss jeglichem Verdachtsmoment nachgegangen werden. Wenn einem Menschen etwas derart Schlimmes widerfährt, ist von Fall zu Fall abzuwägen welche Maßnahmen getroffen werden müssen:

1) was die Bestrafung der Täter,
2) was die Betreuung und Versorgung des Beschädigten und
3) was das Vermeiden von weiteren Straftaten betrifft.

Man muss aber wissen, dass es sich immer um Einzelfälle handelt und ich bezweifele, dass diese Opfer durch die Bank potenzielle Amokläufer sind. Die Menschenrechtskommission hat übrigens einen fundierten Bericht über die Psychiatrie im Februar 2006 vorgelegt, den ich Ihnen gerne zusenden kann. Des Weiteren sieht das Wahlprogramm meiner Partei eine ganze Reihe von Maßnahmen vor, um die Psychiatrie hierzulande weiter zu verbessern.

Bonjour Herr ,
Merci fir är Froen, op déi ech heimat probéieren ze entweren.
Dir schwetzt insgesamt den Encadrement vun de Klassen an dem Léierpersonal un.Wat d´Schoulinspekteren ugeht, sin déi jo an de leschte Joren iwerduecht gin. Sie sin op Regionalbureaux´en verdeelt, fir méi no bei hirem Betätigungsfeld ze sin. Sie sin do, fir Uspriechpartner fir Elteren a Léierpersonal ze sin. A mengem Verständnis sollen se natirlech d´Schoulhalen iwerwaachen (während nom neie Schoulgesetz d´Gemengen fir d´Disziplin vum Schoulpersonal zoustenneg sin), besonnesch um pädagogeschen Plang. Da schwetzt der de Schouldirekter un. D´LSAP war géint e Schouldirekter, well mer wëllen, dass d´Léierpersonal an de Schoulen, déi jo autonom gin, hir Verantwortung iwerhuelen, hir Schoul ze leeden an ze animéieren, pädagogesch Innovatiounen durchzezéien. Mir hätte gär, dass um Terrain vun ënnen erop pädagogesch Erneierung geschitt. Mir mengen awer nët, dass en Direkter vun uewen erof wéi matt engem Coup de baguette magique d´pädagogesch Innovatioun durchsetzen kann.
De Kompromëss ass jo, dass aus dem Comité vun den Enseignanten e Präsident gewielt gët, deen fir 5 Jor eng Ernennung kritt an eng Partie vu Coordinatiouns- an Directiounskompetenzen kritt.Dir schwetzt vu grousse Schoulen; et soll esou sin, dass a gréissere Lokalitéiten d´Schoulgebeier esou regroupéiert gin, dass d´Grondschoul nach ëmmer eng "école de proximité" fir d´Kanner bleiwt, d.h. dass mer secher keng Schoulen vun 1000 oder méi Schüler wëllen, wéi am Secondaire. Dofir gesin ech och nët, dass een elo den administrativen Iwerbau nach weider ausbauen soll (a wou géiwen mer dann all déi Leit hirhuelen?).Fir d´Léierpersonal ze ënnerstëtzen, sie ze beroden, gët ët d´Inspekteren, gët ët Weiderbildung, soll d´Matteneen an d´Zesummenaarbecht um Terrain ausgebaut gin. Wann eng Schoul;eng autonom Entitéit gët, werden d´Enseignants´en an all déi Intervenants´en vun där Schoul dach wuel zesummenreckelen an zesummen hir Problemer ugoen.
Mat beschte Gréiss
Ben Fayot

Léiwen Hr ,
Ärer Beschreiwung no huelen ech un dass Dir Professeur d´enseignement technique sidd an mëttlerweil an der Pensioun sidd. De "Professeur d´enseignement technique" ass am E5 klasséiert a gehéiert zur carrière supérieure beim Staat. Dodrunner wärt sech näischt änneren. D´Schoulmeeschteren sinn elo an den E5 agestuuft ginn, well si, nieft enger Bac+4 -Ausbildung nei Aufgaben an Responsabilitéiten iwwerdroen kruten, dei die aktuell Schoulreform un si stellt.

Bescht Gréiss
Ben Fayot

Bonjour Madame ,

Europa huet an de leschte Joren e grousse Bannemaart opgebaut, deen vill technesch a wirtschaftlech Fortschrëtt bruecht huet, deen awer zevill liberal war an fir deen net genuch sozial an ekologesch Normen festgeluecht gouwen. Och déi finanziell Regulatiounen waren nët streng genuch. De Vertrag vu Lissabon stärkt d´Institutiounen vun der EU an ënnerstreicht d´Noutwendegkeet vu sozialen an ekologeschen Normen a Regelen. E mecht d´Charta vun de Grondrechter obligatoresch, ënner denen wichteg Sozialrechter sin, en enthält eng allgemeng sozial Klausel, déi d´EU verpflicht, bei all Mossnahm d´sozial Konsequenzen a Betracht ze zéien. An de Grondsätz enthält de Vertrag all déi Saachen, déi mir Sozialisten wëllen. Een Zitat aus dem Artikel 3: " L´Union oeuvre pour le développement durable de l´Europe fondé sur une croissance économique équilibrée, et sur la stabilité des prix, une économie sociale de marché hautement compétitive, qui tend au plein emploi et au progrès social, et un niveau élevé de protection et d´amélioration de la qualité de l´environnement. " Well ech selwer un de Viraarbechten zu dem Vertrag deelgeholl hun, weess ech, wéi intensiv och d´europäesch Gewerkschaften sech fir déi Formulatiounen a Bestëmmungen agesat hun. Sie gin d´Grondlag fir eng aner, manner neoliberal a méi sozial Politik an Europa.

An der Haaptsaach awer hängt et vum politesche Wëllen vun de Bierger an de Memberstaaten a vun de politesche Kräften an Europa of, wéi sozial oder neoliberal d´EU ass. D´EU kann och e Mindestloun festleen ouni e Vertrag ze änneren, wa genuch Leit dat wëllen.

Mat beschte Gréiss

Ben Fayot