Christian Kmiotek (Déi Gréng)

Kandidat EU-Walen 2009
Dieses Profil dient zu Archivzwecken, eine Befragung ist nicht mehr möglich.

Moien,
Dëst weist zwou Saachen.
Datt an eiser emmer méi liberaliséierter Welt, den Mënsch sech a seng Aarbechtskraaft muss beschtméiglech verkaafen. Leider.

Et weist awer och, datt et Leit gëtt, déi anscheinend esou rassistesch denken, datt nëmmen Lëtzeburger/innen fir en Job a Fro kommen. Wat dann dës Fra forcéiert, sech ob eng rassistesch Art a Weis ze verkafen. Schlëmm.

Dat schrecklechst as awer, datt et bei den Wahlen Parteien gëtt, déi di eng oder di aner oder di zwou Situatiounen normal fannen oder souguer nach sech dofir asetzen.

Bescht Gréiss.

Christian KMIOTEK

Moien,

Meng Positioun as déi vun menger Partei a ganz kloër:
Ech sin derfir fir de selwechten Loun fir déi selwecht Aarbecht op der selwechter Plaz ze bezuelen. Dat heescht zum Beispill, datt en auslänneschen Aarbechter deen hei zu Lëtzeburg schafft no Lëtzeburger Kollektivvertrag oder Lëtzeburger Mindestloun muss bezuelt gin. Also kloër géint "Bolkestein".

Mat beschte Gréiss.
Christian KMIOTEK

Moien Här ,

Eng komplizéiert, oder éischter vernetzten Fro. Et kéint een elo laang aushuelen an dervun schwetzen, datt mer all Deel vun der Globaliséierung sin (sou wéi mer och mueres an owes Deel vun Stau sin) andeems mer gär alt erëm nei Kleeder bei Zara, bëlleg Miwwelen an Ikea an Erdbier och virun an no der Saison kafen. An datt mer eis also all missten änneren an anescht liewen. Ma menger Meenung no ännert d´Mass vun den Mënschen sech nëmmen, wann d´Verhältnisser an denen se liewen sech änneren.

An dat as jo och Är Haaptfro: wat kann d´Politik maachen fir déi Zoustänn ze änneren?

Mer mussen dozou kommen, datt d´Aarbecht manner (oder vläit esouguer guer net méi) besteiert gëtt an awer dofir d´Kapital an virun allem d´Benotzen vun den Ressourcen (Energie, Waasser, Land, matières premières, ...). Well am Moment wanderen jo Aarbechtsplazen aus (West-)Europa aus, well et fir Produzenten an aneren Deeler vun der Welt méi belleg Aarbechtskräften gëtt. An well den Transport vun Hamburg op Lëtzeburg genau esou vill kascht wéi den Transport vun Shanghai op Hamburg.

Wa mer awer eng ekologësch Steierreform maan an
a) d´Aarbecht net méi besteieren an och den Betriber, déi Leit beschäftegen, steierlech entgéint kommen,
b) dogéint awer d´Benotzen vun den Ressourcen besteieren,
da féiert dat derzou datt Betriber mat den Ressourcen vill méi spuersam ëmgin (dat mecht ökonomësch an ökologësch Sënn) an mer Aarbechtsplazen hei behalen.

Mat beschte Gréiss.

Christian KMIOTEK