Claude Turmes (Déi Gréng)

Abgeordneter EU-Parlament 2014
Dëse Profil dengt zu Archivzwecken, eng Befroung as net mei meiglech.

Moien Haer Karl,

merci vir aer Ufroo.

Et ass secherlech gudd, wann d´Biirger sech méi mobiliséiren, vir eis Weltproblemer an de Greff ze kréien. Mee ech deelen d´Analys vun den Initiatoren vun Simpol net. D´Ausso, daat d´Politiker net méi genuch Muecht haetten, vir eppes ze bewiirken, kann ech net novollzéien. Ech gesi bei menger Arbecht all Dag, daat et der Politik net u Pouvoir feelt, mee un de richtege Majoritéiten bei deenen entscheedenden Diskussiounen a Voten.

Ech sin dowéinst en absolute Verfechter vu mei Transparenz an der Politik: de Biirger soll wessen, waat vu weem wéini wou décidéiert get. Ech haalen Biiergerinitiativen als Complément vu Politik och gudd a wichteg. Et ass och wichteg, daat d´Biirger sech do an och beispielsweis an ONG´en méi staark abrengen an d´Politik ennert Drock setzen.

Mee et wiir menger Meenung no falsch a kontraproduktiv, de Focus vun der Politik ewechzehuelen, dei die wichteg Décisiounen kann huelen. Et besteet suggur d´Gefoor, daat déi secherlech gudd gemengten Zieler vun den Initiatoren vun Simpol nach méi geschwächt gin a grad déi Kräften méi Zoulaaf kréien, déi wellen keng contraignant Zieler beispielsweis am Beraich Klima-, Ressourceschutz a Sozialpolitik kréien.

Matt beschte Greíss

Claude Turmes


www.claudeturmes.lu
claude.turmes@europarl.europa.eu

Phone: (0032) 2 28 46 090
Fax: (0032) 2 28 49 246

European Parliament
Office of Claude Turmes
Altiero Spinelli (ASP)
08 G112
Rue Wiertz, 60
B-1047 Brussels

Moien Här Steichen

Merci vir aer Fro.

Ech vertrauen op déi onofhaeneg wessenschaftlech Arbecht vum "Intergovernmental Panel on Climate Change" (IPCC), enger UN-Organisatioun. Ausserdeem gin ech awer all Kritik un de Resultater vun desem Panel no, wann se da wirklech sérieux fundéiert ass an net vun Interessen geleed, déi ech net deelen.

Ech gesin de konsequenten Aaatz vir méi Klimaschutz a Ressourceschounung als konkrete Beitrag zu méi Gerechtegkeet an zu Weltfridden. Ech wees wirklech net, wéi deen an Zesummenhang matt Rassegesetzer bruecht kéint gin.

Matt beschte Gréiss

Claude Turmes

Gudde Moden

Den EU-Verbraucherschutz-Kommissar Tonio Borg wärt normalerweis direkt e Méinden, de 6. Mai, säin Entworf fir déi nei Saatgut-Gesetzgebung virstellen. Mir wärten eis déi natierlech ganz genee ukucken an och probéieren am Sënn vun Emwelt & Naturschutz, der natierlecher Biodiversitéit, an och am Interessi vun de Baueren, den Hobbygärtner an dem normale Bierger ze beaflossen.

Des Gesetzgebung ass, wéi dir ganz richteg schreiwt, vun rieseger Bedeitung fir d´Landwirschaft a speziell fir d´biologesch Vielfalt a der Landwirtschaft, a mir riskéieren effektiv, datt si sech méi negativ wéi positiv auswierke wärt. Schon am Virfeld vum Text hu vill ONGen aus dem Emwelt- a Landwirtschaftsberäich virun de potentiellen Folgen vun deser EU Gesetzgebung - speziell och fir kleng Ziichter, resp. Kleng- an Hobbygärtner - gewarnt. Zumindest wat d´Hobbygärtner ugeet huet d´EU Kommissioun awer am Virfeld schon puer mol betount, datt d´Privat Notzer/Gärtner net wärten vun der neier Propose betraff sinn. Op dat och wierklech esou ass wärt sech jo elo gläich weisen. Mee och ouni dee Problem gett et scho genuch Kritikpunkten.

Fir déi gréng schengt klor, datt déi bis elo avancéiert Begrënnunge fir nei Regelen (d´Saatgut-Regelen entbürokratiséieren an un de steigende weltwäite Bedarf u Liewensmëttel upassen) nemmen eng Fassade duerstellt. Et ass klor datt d´Kommissioun ennert enormem Drock vun den gruossen weltwäiten Agro- a Saatgut Konzerner steet, déi sech besser - d.h. mei rentabel - Regele wënschen. Dat ass natierlech ganz geféierlech, och well des Firmen zum Deel direkt an zum Deel indirekt mat den groussen Chemie a Gentechnik Konzerner verbonne sinn. An deenen hier Zieler si mat Secherheet net déi selwecht wéi eis gréng Zieler: Schutz vun der biolgescher Vielfalt, Recht vum Bierger bei eis an och soss an der Welt op e wierkleche Choix u Soom-Zorten, Fräiheet säi Soom kenen ze verkaafen oder ze tauschen, an natierlech och dierfen ze séinen wat ee wëll. Fir eis dierfen d´Efforten vu regionale Saatgut-Initiativen, wéi z.B. der grad zu Lëtzebuerg frësch opgestallte SEED Initiativ (SEED - Som fir d´Erhalen an d´ Entwécklung vun der Diversitéit), net nach méi behënnert ginn !

No puer éischten Informatiounen am Virfeld vun der Textvirstellung géif d´Kommissioun ewer nees probéieren de grousse mutinationale Konzerner weider exklusiv Rechter ze garantéieren. Ennert annerem schengt EU Kommissioun och d´Zoulossung an d´Kontroll vun neie Saatgut-Varianten wëllen ze privatiséieren. Dat ass fir eis absolut inakzeptabel ! Duerch eng Privatiséierung hätten nämlech déi grouss Konzerner iwwert den Emwee vu puer Duercher-Firmen schnell selwer d´Muecht hier eege Saatgutvarianten zouzelossen an dei vun de méi klengen Produzenten ze blockéieren. 

Och fir d´Biolandwirtschaft ass des Entwécklung ganz geféierlech well och si ass op gudd, propert a variéiert Saatgut ugewisen. Ech soe eech villmools Merci fir äre Message mat deem dir ären Interessi an ärt Engagement an desem Dossier beweist. Ech kann eech hei am Numm vu menger Partei verspriechen, datt mir wärten eist méiglechst zu Bréissel an zu Lëtzebuerg machen fir des bedrohlech Entwecklung ze verhënneren.

mat frëndleche Gréiss,
Claude Turmes

Moien Madame Scholtes

Ech wollt Iech kuerz op ären Email äntwerten:

1) Pädophil Akten sinn inakzeptabel a kriminell. Pädophilie ass eng Stéierung, déi muss behandelt ginn.

2) Et koum an den 80er Joeren eng Kéier zu enger falscher Decisiounen vun engem Parteikongress vun den däitsche Gréngen, déi och vum Bundesvorstand vun den däitsche Gréngen séier korrigéiert gouf.

3) Déi Gréng an Däitschland hunn aus Eegeninitiative eng onofhängeschen Expert domadder beoptragt, bis Enn des Jores e Rapport iwwert den Afloss vun pädophile Gruppen an der Partei an den 80er Joeren ze analyséieren.

4) Den Dany Cohn-Bendit huet sech schonns e puer mol kloer vu sengen Aussoen am Buch "Le Grand Basar" distanzéiert. En ass weder en Pädophilen, nach jee an Zesummenhang matt pädophilen Akten ugesicht ginn.

Schéi Gréiss

Claude Turmes, MEP, Vice President of the Green Group in the European Parliament