(...) Och net wéi den Här Goebbels, dee fir d´Intérêt´en vun de Chemie- an d´OGMs-Industrien antrëtt.
Wielt déi Lénk an d´Europaparlament, stäerkt domadder d´Fraktioun vun der United European Left (déi schons elo esou staark ass wéi déi Gréng a se wahrscheinlech elo wäerd iwwerhuelen), an d´Europa vu muer wäerd mat Sëcherheet méi sozial an och méi demokratesch ausgesin. (...)

(...) Léiwen Här Ramponi,

Merci fir Äer Fro. D´Erpressungsargument vum "vote utile", mat dem d´LSAP elo geschärt get, fannen ech nëmmen absurd. (...) Mee wann een dat konfrontéiert, mat deem, wat d´LSAP um nationale Niveau mecht, mierkt een, dass do net vill Kohärenz besteet. Kuckt emol de Nicolas Schmit: wéi hien zu Bréissel Ambassadeur fir Lëtzebuerg bei der EU wor, huet hien sech fir d´Bolkestein-Direktiv agesat. (...)

(...) Dat gëlt och fir d´Tierkei, déi säit 1963 (!) an den europäeschen Eenegungsprozess mat agebonnen ass. Dëse Prozess kann ee net méi réckgängeg maachen, dat wier nämlech eng immens Humiliatioun fir d´Tierken an e monumentalen aussepolitesche Fehler vun der EU, den eiser Kredibilitéit an eisem Gewiicht an der Welt géif immens schueden. (...)

(...) Prinzipiell ass dat wahrscheinlech och net problematesch - et siew dann, déi Files, déi matgedeelt ginn, hu méi komplizéiert Autorerechter, déi musse respektéiert an honoréiert ginn. (...)

(...) Ech si grondsätzlech der Meenung, dass Kultur en allgemengt Gutt ass, wat esou breed zougänglech wéi méiglech sollt sin. Do bidd den Internet natierlech Méiglechkeeten, vun dene mer virun e puer Joer jhust konnten dreemen. (...)

(...) Perséinlech sinn ech nët der Meenung ët soll an Europa an a Lëtzebuerg eng eenzeg Kommunikatiounssprooch ugewannt ginn, egal wat fir eng!

Ech fannen datt genau dës Differenz, Europa ausmëcht, an zwar daat obwuel all Land anescht ass, eng aner Kultur, eng aner Sprooch huet, mir ët trotzdem fäerdeg bréngen eis ze verstoen an zesummen ze schaffen!

Et ass sécherlech wouer datt dës sproochlech Differenzen och eppes kaschten, mee menger Meenung no, ass ët awer der Wäert. (...)

(...) D´Fro vum Beitrëtt vun der Türkei stellt sech am Moment net. Weder erfellt d´Türkei d´Beitrettskritèren, nach ass d´EU a même vir esou e grousst Land opzehuelen. (...) Et muss een natirlech och d´Virdeeler vun engem EU-Beitrett vun der Türkei gesin: daat Land ass geostrategesch, a pucnto Ressourcen an wéinst der Kooperatioun matt der islamescher Welt wichteg vir d´EU. (...)

D´Demokratiséierung vun der EU ass eng vun eisen Haaptfuerderungen. D´EU funktionéiert nämlech schons haut deels wéi e Föderalstaat, jhust dass dëse Staat eben net demokratesch ass. (...)

Richteg as dat d´Zeitung vum Här Nicolas, den direkt an der Belsch a de Prisong kéim, mol eng gudd Lektioun verdengt! Prozesser sin eng laanwiereg Saach, a vlaïicht as et un der Zeit eppes z´ennerhuelen. D´Legislatioun iwwert d´Presse as komplex, well d´Pressefreiheet eng ierwegt Gebot as, an och sin d´Artikelen oft esou geschriwwen, dat eng juristesch Aktioun schwéier as. (...)

(...) D´Antwert as ganz kloer. Ech sin géint de Beitrëtt vun der Türkei an wärt dem och net zoustemmen. Dat kënnt net a Fro. (...)