Félix Eischen (CSV)

Abgeordneter Chamber 2013
Dëse Profil dengt zu Archivzwecken, eng Befroung as net mei meiglech.

Här Eischen

Ech hu folgend Fro a Propose déi eventuell laangfristeg Milliarden am Krankesecteur aspuere wäert.
Kennt Dir Iech derfir asetzen, dass e geschlossent Netz vu Vëlosweeër hei zu Lëtzebuerg gebaut gëtt, sou wei dat a ville Länner schon laang Usus ass?
Wei steet d´ CSV zu dëse Propositiounen fir e nationaalt Netz vu Vëlosweeër duerch d´ganzt Land a Kooperatioun mat de Gemengen ze bauen?
Géif et ärer Meenung no dem Tourismus an esou eiser Wirtschaft net och eng gutt Stäip ginn?
A wat muss ee maachen fir esou eng Fro am Parlament ze verlaangen?
Jo dat kascht vill Geld bestëmmt. Ech kann Iech awer soen, dass och vill Leit am Moment net op de Vëlo klammen well een einfach 100Douder stierft wann ee mat de Kanner iwwert d national Stroosse fuere muss, an d´Camionen ee regelrecht usaugen wann se ob e puer Zentimeter laanscht fueren. Et mécht einfach guer a glat kee Spaass wann een un den Dout denke musst, soubal een e puer Kilometer zu Lëtzebuerg um Vëlo setzt. Mir brauche Vëlosweeër mat decken Hecken ofgetrennt vun de Stroossen an zwar vu ganz uewe bis ganz ënnen konstant matenee verbonnen. Sou dass d´Kanner vun Esch op Wolz kenne fueren ouni de Gefore vu Camione, Autoen asw ausgesat ze sinn. Hëlleft dass d´ Biergerinnen a Bierger rëm de Vëlo als Transportmëttel benotzen an se wäerten am Alter eis Krankekees also eis Staatskeess manner belaaschten vun de schéine Souveniren wat dës Excursiounen ugeet emol ganz ofgesinn.


Merci fir d´Äntwert an meng bescht Gréiss

Léiwen Här Eischen,

Mir, d´Steierzueler, léinen jo elo den Griechen Geld datt si hiir Scholden kënne zereckbezuelen.

Ech fannen mir als Vollek an Steierzueler hun d´Recht ze wëssen un wien onst Geld am Endeffekt iwerwissen gët.

Weiderhin froen ech mech wien huet den Griechen d´Geld mat héichen Zënsen, also mat guddem Benefice geléint OUNI ze froen wat si, d´Griechen domat machen an wéi si et gedenken zerëckzebezuelen. Also mir huet nach keng Bank Geld geléint ouni genee dat doten nozefroen.

Dofir fuerderen ech am Numm vun der Gerechtegkeet fir ons an fir ons Kanner, déi dat schliesslech bezuelen waerten, voll Transparenz zou den Kreditgeber vun Griechenland, an dat am beschten iwert déi lescht puer Joer. An wann mir schons dobäi sin, dann fannen ech sollten mir och gewuer gin wien géint Griechenland spekuléiert huet.

Wat ass Är Meenung dozou?

Mat beschten Gréiss