Frank Engel (CSV)

Frank Engel
Joergang
1975
Berufflech Qualifikatioun
Jurist
Ausgeübte Professioun
CSV-Fraktiounssekretär
Uertschaft
-
Walkrees
Europa
Landeslëschteplaatz
-
(...) Allerdings misste mer et fäerdeg bréngen, ënner Mobiliséirung vun enger gréisserer Dosis Kreativitéit, eng besonnesch Zort vun Associatioun an den eurasesche Raum eran ze praktizéieren. (...)
 
Froen un Frank Engel
Noriicht u folgend Adress schécken soubal eng Äntwert antrëfft


Die Datenschutzbestimmungen zur Behandlung meiner Daten habe ich gelesen.
Bitte loggen Sie sich hier ein.
Fro zum Thema Demokratie an Biergerechter
04.06.2009
Vum:
Zoë Muller

Léiwen Här Engel,

Wéi stidd dir zur Idee vun enger Kulturflatrate, also enger Taxe, déi ee pro Mount/Semester/Joer op säin (Breetband)-Internet-Access bezilt an déi engem dofir erlaabt, legal File-Sharing ze bedreiwen?

Ech denken daat et sech géif ubidden esou eppes op europäeschem Niveau anzeféieren, evtl. och mat engem Portal fir europäesch Museker/Filmer gezielt ze förderen, andeems een hier Musek do liicht kéint fannen an eroflueden.

Wann der méi wëllt gewuer ginn iwwert Kulturflatrate kann ech iech nëmmen dëse Podcast vun Netzpolitik.org, iwwregens eng ganz gutt Säit iwwert alles wat Internet an Politik ungeht, un d´Häerz lee: netzpolitik.org
Do ged och op eventuell Modalitéiten(Wéi ginn d´Downloads gezielt, ween kritt wéi vill Suen, etc.) vun esou enger Kulturflatrate a gaangen.

Elo gëtt et eng reell Chance dat déi schwedesch Piratepartei ee Setz am Europaparlament wäert kréien. Wéi gesitt dir déi Entwécklung? Hunn aner Parteien d´Entwécklungen am Internet verschlof?

Merci am Virraus fir är Äntwert!
Äntwert vum Frank Engel
bis elo kengRecommandatiounen
05.06.2009
Frank Engel
Léiw Madame Muller,

un däer Iddi ass wuel vill Positives, och wann ech kee ganz groussen Expert an deene Saache sinn. Prinzipiell ass dat wahrscheinlech och net problematesch - et siew dann, déi Files, déi matgedeelt ginn, hu méi komplizéiert Autorerechter, déi musse respektéiert an honoréiert ginn. Och do gëtt et jo wuel awer Léisungen.

Ech hu gewësse Sympathie fir déi "schwedesch Piraten". Et ass kloer, datt eisen Ëmgank mat intellektuelle Rechter een ass, dee sech fir eng Welt ouni Internet vill besser eegent, wéi fir eng mat. Esou oder esou stelle sie Froen a formuléiere Fuerderungen, déi wäerte musse behandelt ginn. Ech gesinn deem alles ganz opgeschloss entgéint - ëmmer virausgesat, mir fannen en Ëmgank mat Autorerechter, deen et de "Créateure" vun eppes erlaabt, vun hirer Kreatioun och ze profitéieren, ier dat, wat si geschaaft hunn, onentgeltlech an den ëffentleche Raum ka gestallt ginn.

Mat beschte Gréiss,

Frank Engel
X
Äntwert recommandéieren
Är Fro un Frank Engel
D'Froenfunktioun gouf entre-temps zou gemaach.