Här
,
Merci fir äer Ufro. Op elo en Ingénieur oder e Schoulmäschter oder Affekot an der Chamber setzt, ass a sech net esou wichteg. Méi wichteg ass, dat déi Persoun sech méiglech breet an oppen an Diskussiounen erabrenge kann. Et ass natiirlech goud, wa méichleg vill Beruffer an der Chamber représentéiert sinn. No mengem Wëssen, si mir just zu zwee Ingénieuren de moment an der Chamber, sou dat et schonns sënnvoll ass, dat en Ingénieur sech fir d’Walen présentéiert.
Prinzipiel setzen sech déi Greng fir ee Walbezierk an, well d´Problemer sech net méi elleng op Bezierksniveau ofspillen. Problemer wéi Verkéier, Wunneng, Schoul, Aarbechtslossegkeet, Finanzen, Wirtschaft a villes méi, si net op Bezierksniveau ze léisen. Well de Politker awer net e fräi schwiefend Atom ass, an sech an senger Uertschaft och wuel fillt, ass et schonns vu Bedeitung d’Problemer um lokale Niveau resp. der Regioun ze kennen an och ze verteidegen ze kennen ouni awer an e Lokalpatriotismus ze verfalen .
Als Ingénieur a laangjährege Prof an der Handwierkerschoul läit mir besonnesch d‘Emsetzung vun eisem Slogan ecologie-economie-edukatioun um Häerz. An dat speziel an dem Beräich von den erneierbaren Energien, der Energieeffiziens an der Ressourceneffiziens. Mengen dat mir nach en enormen Handlungs- an Nachholungsdedarf hunn. International Etüden weisen en héichen Potenzial un Aarbechtsplazen op. Och hei zu Lëtzebuerg ass Potenzial héich (z.B. Pressekonferenz vun der Chambre des Métiers vum 18. Mai) Well den Osten wéineg Industrieaarbechtsplazen opweist , awer will kleng mëttelstänneg Betrieber huet déi an deene Beräicher schaffen, heecht et, déi Betrieber mat op de Wee ze huelen an proaktiv ze ennerstëtzen, fir déi Politik kennen emzesetzen. (Guichet unique, Berodungen fir d‘Biirgerinnen an d’Bierger, Abezéiung vun de Gemengen asw.)
D’Schoul huet an dem Beräich och nach muneches nozehuelen. Meng Erfahrungen an der praktescher Uwendung vu Projet’en an der Schoul well ech an der politescher Aarbecht benotzen, fir d‘Schoul a besonnesch Berufsausbildung an déi Richtung hëllefen ze reforméieren.
Dem Wäibau wäerd ech awer emmer nach verbonne bleiwen, schonns elleng bedingt duerch meng Mathëllef am Betrieb vu menger Fra. Sie féiert nämlech e biologesche Wäibaubetrieb zu Remerschen.
Fir aner Aspekter vun eisem Programm verweisen ech op den Dépliant dee viru kuerzen geschéckt gouf resp. enner www.greng .lu nozeliesen ass.
Mat beschte misler Gréiss
(...) Méi wichteg ass, dat déi Persoun sech méiglech breet an oppen an Diskussiounen erabrenge kann. (...) Pressekonferenz vun der Chambre des Métiers vum 18. Mai) Well den Osten wéineg Industrieaarbechtsplazen opweist , awer will kleng mëttelstänneg Betrieber huet déi an deene Beräicher schaffen, heecht et, déi Betrieber mat op de Wee ze huelen an proaktiv ze ennerstëtzen, fir déi Politik kennen emzesetzen. (Guichet unique, Berodungen fir d‘Biirgerinnen an d’Bierger, Abezéiung vun de Gemengen asw.)