Karine Reuter (ADR)

Kandidatin Chamber 2009
Dieses Profil dient zu Archivzwecken, eine Befragung ist nicht mehr möglich.

Rebonjour Herr NOHL,

Also waat d’Diplomer als solches ugeet, muss een fir d’éischt emool soen datt mer deen sougenannten " Bologna-Prozess" hun. Als EU MembersLand MUSS Letzebuerg sech un déi Prinzipien vum "Bologna-Prozess" haalen.

Waat heescht Bologna-Prozess: nun 46 Länner hun déi Konventioun önnerschriwwen, an déi réglementéiert d’Hiérarchie vun den Diplomer,esou wéi déi Ausbildung déi dann do der zou gehéiert, an wärd och wuel ooder iwwel ausschlaggebend gin fir d’Karrière bei dem Letzebuerger Staat,

Leider – en tout cas esou wéit ech daat gesin – gött déi klassesch Ausbildung déi hei zu Letzebuerg zu engem Meeschterdiplom féiert, iwwerhaapt nött berücksechtegt vum Bologna Prozess. LEIDER!

Waat déi situatioun " Bac + 2" ugeet, muss een och ganz prezies soen, datt den Bologna Prozess nömmen Diplomer fir geséit déi bac + 3, respetkiv no 4-5 Joor etc hun.

Eis aktuel Regierung huet eng Studie versprach – daat am Kader vun der Gehälterreform – eeben justement iwwert d’Situatioun waat Diplomer etc ugeet, leider ass döss studie nött veröffentlecht gin virun den Wahlen, esou datt et fir en Aussenstehenden schwéier ass fir dodriwwer en Statement ze maachen.


Eppes ass aawer fir mech immens kloor:

En Meeschtertitel huet een immensen Wert, an d’Handwierk MUSS opgewärt gin ze Letzebuerg, well et een fundamentalen Pillier vun eiser Gesellschaft ass.



Mat beschten Gréiss

Karine REUTER

Bonjour Herr MUCKES,

Fir d´éicht emool merci fir är Froo, an entschöllegt datt ech Iech mat en besschen Verspéidung äntwerten.

Also, ech muss emool virop ganz konsequent soen, datt d´ADR doudsecher keng fachistesch Partei ass, an och keng fachistesch Anstellung, Opfaasung an Ideologie huet.

Ech muss ganz éierlech soen, datt et immens schlömm ass, datt permanent séitens deen aaneren Parteien an och verschidden Presseorganer versicht gött eis als rechtsextreem ooder nach méi schlömm ze bezeechnen, waat aawer nun emool ABSOLUT nött den Fall ass, an wien eisen Wahlprogramm liest, kann daat och secherlech fest stellen.
Waat d´UEN betrefft, ass et jo esou datt déi verschidden Parteien aus allen Herren Länner déi Member an der EU sin, sech an verschiddenen Fraktiounen zesummenschléissen. Och d´ADR möcht daat. Waat fir eis nun aawer emool wichteg ass, ass datt miir können innerhalb an duerch déi Fraktioun EIS Idéen duerch setzen, also haaptsechlech emool d´Souveränitéit vun all EU Memberstaat. Datt d´UEN déi eenzeg Fraktioun ass déi sech dofiir asetzt, bedengt dann datt miir iwwert déi Fraktioun eis Idéen duerch gesaat kréien, heescht aawer nött datt miir als PARTEI déi selwescht NATIONAAL Usiichten hun ewéi déi aaner Parteien.


Daat waat fir eis einfach wichteg ass, ass datt miir eis Idéen waat Europa ugeet duerch gesaat kréien, an daat heescht eng EU déi all Membersstaat erem RESPEKTéIERT an als gléichberechtegten Partner ugeséit, eng EU déi nött an d´Privaatsphäre vum eenzelnen agréift, eng EU déi sech oem déi WIIRKLECH Probleemer vun Europa kömmert an nött zu engem quasikommunisteschen Zentralstaat sech entweckelt.

Ech hoffen meng Aentwert konnt Iech weiderhöllefen, ech stinn aawer gären zur Verfügung falls diir nach weider froen hutt.

Mat frendlechen Gréis

Karine REUTER

Bonjour Haer PFEIFFER,

Villmools merci fir är Froo. Ech sin frou datt dier Iech fier eisen Wahlprogramm interesseiert.

Aeren Témoignage ass fier mech den Beweis datt mer mat eiser Kritik richtech leien an speziel mat eiser Fuerderung datt staatlech Moossnahmen sollen am DIALOG mat den Betraffenen gescheihen.

Aeren Fall ass exemplaresch dofier datt oett noett duergeet iergendeen Cadergesetz ze schaafen an dann ze mengen oett wier alles am Botter. "Behoennerung" ass nun eemool noett " Behoennerung" an oett sollt oemmer KONKRET den Eenzelfall gekuckt gin !

Datt eist Aarbechtsamt een Witz ass, an zwar e ganz schlechten fier Betraffener, ass leider en Fakt an oett goett allerheichsten Zeit do Remedur ze schaafen.

Weder den freieren Aarbechtsminister JUNCKER nach deen heitejen BILTGEN hun dei Problematik ugepaakt, obwuel sie jo aus enger " position de force " eraus beschtplazeiert waaren fier eppes ze maachen. Oett geet eben noett duer mat slogans ( " Zesummen wuessen" ) ze opereiren. " An ihren Früchten werdet ihr sie erkennen..."

Ech hoffen ech konnt Iech mat mengen Gedanken op är Froo äntwerten; ech stin Iech aawer gären zur Verfügung falls diir nach weider Frooen huet.

Mat beschten Gréiss

Karine REUTER