Lucien Lux (LSAP)

Kandidat Chamber 2009
Dieses Profil dient zu Archivzwecken, eine Befragung ist nicht mehr möglich. Besuchen Sie das aktuelle Profil.

Här ,

D´Regierung an d´Staat Letzebuerg huet decidéiert, op Basis vun deenen verschieddenen Etuden déi gemaat goufen, dat den Konzept mobil 2020 déi beschten Léisung fier eis d´Land an fier d´Staad ass. Desen Konzept besteet aus engem Zesummenspill aus klasseschem Zuch an regionalen Bussen fier den nationalen an grenziwerschreidenden Verkéier, aus dem Tram als Haaptachs an der Staad an den städteschen Bussen fier Feinverdeelung an der Staad ze maachen. Den Lien teschend deenen eenzelnen Systemer get op den Périphériegaren gemaat déi domadder Verdeelung an der Staad strukturéieren an och eng gudd Erschleissung vun desen Quartieren erméiglechen. Dest Konzept erméiglecht eng Erweiderung vun den Kapazitéiten vum öffentlchen Transports souwuel fier an d´Staad wéi och an der Staad selwer wou den System Bus haut un sengen Limiten okomm ass.

Waat den Projet RER betrefft, sou huet desen eng Rei Nodeeler déi net ze ennerschätzen sinn wéi z.b:

• D´investitounskeschten an d´Entretienskäschten vun desem komplexen Projet sinn wesentlech méi héich well den ganzen Tracé duerch d´Staad ennerirdesch muss sinn an och bedeitend Upassungen um Réseau vun der Eisenbunn mussen gemaat ginn.
  
• Den Konzept vum RER get ereischt bei vill méi groussen Stiedt ugewandt déi och déi néidesch masse critique hun.
  
• Den Öffentlechen Transports ass weit weg vun den Leit (bis zu 70 meter ennert dem Buedem), doduerch sinn d´Weeer fier d´Leit relativ laang an den ganzen System get onattraktiv.
  
• D´Oofstänn teschent den Arrêten sinn méi grouss wéi beim Tram an den Takt ass un d´Contrainten vum Eisenbunnsréseau gebonnen sou dat en manner attraktiv ass wéi den Tram deen onoofhängeg vum Zug an Bus kann fueren an sou den Léit déi matfouren eng gudd an pünktlech Offer kann maachen.
  

Waat d´Foireshaalen betrefft, sou ginn des net zweemol gereckelt mee et get een Deel vun den Haalen provisoresch emlogéiert fier den Parc des Expositions nei ze strukturéieren an domadder besser ze notzen an un den öffentlchen Transport unzebannen.

Merci fir Ären Interessi.
Mat bëschte Gréiss,

Här ,

D´Gestioun vum Traffik op eisen Autobunnen ass e wichtegt Thema an et sollt keng Méiglechkeet onbeuegt bleiwen fir dës an Zukunft ze verbesseren.

Et ass awer sou dat dëse Beraich ënner d´Kompetenz vum Bauteminister an der zoustänneger Stroossebauverwaltung fällt. Ech giff iech also roden är Fro direkt un den aktuell zoustännege Minister ze stellen.

Mat beschte Gréiss

Lucien Lux
Emwelt- an Transportminister

Här ,

Seit 10 Joer bestinn Verbindungen mat den Bussen aus dem Norden vun Lëtzebuerg op St. Vith fir d’Schüler die do ageschriwen sin. Desen Transport get vum lëtzebuerger Staat finanzeiert. Den détailleierten Fahrplang kennt Dir bei Voyages Simon vun Diekirch oder an eisem Ministär kreien.

Eng aner Offer z. B. fir Berufspendler vu St. Vith op Lëtzebuerg besteet net. Et get och keng Ufroen vun Seiten vun eventuellen Interessenten. Dem Transportministär zu Lëtzebuerg sin keng Zuelen oder weider Informatiounen iwert esou e Bedarf bis elo bekannt.

Vun dem zoustännegen Verkeiersbetrieb T.E.C. aus der Belsch ass och bis haut nach neischt un eis erungedroen gin.

Mat beschte Gréiss

Lucien LUX

Transportminister

Här ,

Ech soen Iech Merci fir Äeren Mail vum 26. Mai 2009.

De Probleem deen Dir an Ärem Mail uschneidt ass mir wuel bekannt. Dofir kann ech Iech informéieren, dass net méi spéit wéi mar de Moien, d´Regierung wert een Règlement grand-ducal unhuelen vir d´Problemer vun den Camionen zu an ronderem Bétebuerg an de Grëff ze kréien.

Dëst Reglement gesäit fir dass d´Camionen duerch eng ´direction obligatoire´ op der Autobunn bleiwen mussen, respektiv vun den Landstroossen op d´Autobunn dirigéiert ginn. Dës Mesuren brengen matt sëch, dass d´Landstroosen entlaascht ginn an datt gläichzäiteg Vekéiersëcherheet op dëse Strossen verbessert gët.

Matt frëndlëche Gréiss,

Lucien LUX
Transportminister

Här Pol ,

Beim Aféieren vun E-go ass d´Kontrollpersonal vu Bus an Zuch mat de Kontrollgeräter équipéiertginn. Dëst Equipement kënnt regelméisseg am Kader vu gezielten Kontrollen zum Asaz. Do dernieft huet d´Eisebunn viru puer Wochen och ugefangen hiert Zuch-Begleetpersonal (wat dagdeeglech an den Zich unzetreffen ass an net mat Kontrolleuren ze verwiesselen ass) mat Kontrollgeräter ze équipéieren a fiert iwwert di nächst Méint mat der Ausstafféierung vun hire Leit weider. Dëst bedeit datt an d’Zukunft vill méi Kontrollen vun den E-go-Kaarten an den Zich gemaach ginn.

Wat d’Statistiken ugeet, sinn et wuel Zuele virum Aféieren vun E-go ginn, allerdéngs woren dës net automatiséiert opruffbar. Mam neien E-go-System kann een d´Vente (souwuel déi an de Guichet´en wéi och an Bus an Zuch) zu all Moment noverfollegen. Den E-go erliichtert dem Personal, dat am Verkaf schafft, hir alldeeglech Arbecht. Sou brauchen si keng Stock´en vu Billjeeën méi ze hunn (déi jo bor Geld waren), wéi och hir Ofrechnungen um Enn vun hire Schichten sinn automatiséiert an erlaben eng besser Comptabilitéit.

Mat beschte Gréiss,

Lucien Lux

Transportminister