Marc Spautz (CSV)

Abgeordneter Chamber 2013
Dëse Profil dengt zu Archivzwecken, eng Befroung as net mei meiglech.

Herr Pizzaro,

Ech verstin, dass Dir d´Gefill huet schlecht behandelt ze ginn, geintiwwer de Leit di an dat not Ausland geplënnert sinn.

Ech kann iech awer soen, dass des Leit zu engem groussen Deel net vun den Avantagen hei zu Lëtzebuerg profitéiren. Et gi vill Hëllefen, di un den Territoire gebonne sin. Dat heescht, et muss een hei ze Lëtzebuerg wunnen, fir an de Genoss ze kommen.

Wann Dir an Däitschland wunnt, gëtt zum Beispill keen Office Social Iech eng Hëllef. Dir musst Iech dann un dat däitscht Sozialamt wenden an Dir kritt dann dat wat do üblech ass.

Fir d´Chèques Service muss een och hei ze Lëtzebuerg wunnen. Dat selwecht gëllt fir eng Bourse bei Héichschoulstudien. Wann ärt Kand wëllt studeiren goen, kann et dat just ufroen wann et hei zu Lëtzebuerg wunnt. Bei de Schoulen ass et och esou, dass d´Kanner di zu Lëtzebuerg wunnen, hei an Schoul ginn. Kanner, di am Ausland wunnen, ginn do an Schoul.

Donieft gin et och nach alleguer Hëllefe vum Staat beim Logement. Och hei muss een zu Lëtzebuerg wunnen fir finanziell gehollef ze kreien.

Ech kéint nach aner Beispiller nennen, alles hängt dovunner of wou en ugemellt ass. Et gin natiirlech Leit, di hun eng Adress hei zu Lëtzebuerg a wunnen effektiv am Ausland. Hei kéint et virkommen, dass eng Kontroll gemach gëtt an dass d´Leit dann bestroft gin, wann Gesetzer dat virgesin.

Den 15 Mai, get do och en neit Gesetz iwert de Kommunalen Register gestëmmt, dass en sech net méi einfach esou an enger Gemeng kann umellen.

Bescht Gréiss