Octavie Modert (CSV)

Kandidatin Chamber 2009
Dieses Profil dient zu Archivzwecken, eine Befragung ist nicht mehr möglich. Besuchen Sie das aktuelle Profil.

Här ,

Dir hat iin Fro gestallt, op déi ech elo réischt äntwere weil se op iin onbekannt Mail-Adress gaange war.
Dir wësst, dat ech eppes mat Wënzer a Wäibau ze doen hunn, mee et ass nët just dofier wou ech dise Wirtschaftszweig héichhalen: tatsächlech weie Landwirtschaft a Wäibau net sou stark an éisem PIB, mee si schafe vill, ganz vill Arbechtsplazen an éisem Land, an och an éisem Bezërk. Riichent all Wënzer- a Baurebetrieber ewech, grad esou wéi d´Verarbechtungsbetrieber (zB Kellereien op der Musel, Schlachtheiser wéi zu Weecker, fir am Osten ze bleiwwen, etc.), da wär de Chômage vill méi héich!

Mee Dir hott bestëmmt och schonn an Artikele vu mir gelies, wat sech fir den Osten nach vun anere Méiglechkeete béitt. Grad haut kënnt Dir och nach een an der Zeidong, am CSV-Profil, liesen, dofier ginn ech hei juste puer Beispiller.
Iin nei Dynamik ass méiglech fir den Osten, an an de leschte 5 Jar ass vill gemat ginn fir éis Géigend, ech giff gär soen, sou vill wéi seele virdrun; ech si frou, dat ech och dozou bäidroe konnt. ZB mëcht de Kulturtourismus wesentlech Perspektiven op fir éis Regioun, an do ass den Oste quasi verwinnt ginn an der lescht, doriwwer sinn ech frou. Den Trifolion zu Ieternaach zéit immens vill Leit un; de Masterplan fir dat gallo-réimesch Ricciacus zu Duelem deen ech opgestallt hunn waert iis op d´Landkart vun de bedeitende Réimersites an Europa seetzen. De Wäimusee deen als Muselzentrum ausgebaut gëtt, d´Arbechte lafen geschwënn un, d´Possenhaus dat erweidert gëtt mat seiner 2. Phas, ginn der Musel an der ganzer Géigend zousätzlech Attraktivitéit. Den aussergewéinlechen Tudors-Musee zu Rouspert, dee mir virun 2 Wochen ageweit hunn, ass e regelrechte Bijou ginn, dorch d´Hellef déi mir finanziell a mat éise Fachkräften aus dem Kulturministär bäisteiere konnten; an et ginn nach vill Beispiller. Kultur ass e wichtege Standortfaktor!
Och op anere Pläng hu mir Standortvirdeeler: zB mat éisem KnowHow iwwer Satelliten a Raumfart dorch den SES-Sëtz am Osten. Dorch d´Entwécklongsméiglechkeeten déi den IVL béit weil Wunnen a Schaffe méi no bäienee komme sollen. An dorch nei Schoulen, déi an den Oste kommen.
Den Osten hott vill ze béide fir nei Perspektiven opzemaachen; loosse mir de regionale Virdeel ausnotzen!

mat frëndleche Gréiss,
Octavie Modert

ech verstinn Aer Fro als e Plädoyer fir Kulturpolitik, a fir iin stark Kulturpolitik sou wéi se an de leschte Jare gemat ginn ass, an dat ugefaangen virun engen déck 20 Jar : et ass deemols ugaangen dat mol iwwer Kultur a Kulturpolitik diskutéiert ginn ass, wann och je no Projet dacks kontrovers (wat jo nees e Stéck Kultur ass) weil nach vill Onverständnis dorch Nët-Wëssen, an dorch Onkenntnis vun Zesummenhäng, bäi de Leit waren. Et ass also scho vill geschéit op disem Plang, an dat ass natierlech goutt esou. De Paradigmewiessel ass sëcherlech schonn am gaangen, an e soll viru goen, do kann ech Iich nëmme recht ginn. Grad esou wéi Dir ganz richteg sot, dat Kultur e Besser-Mateneen-Ëmgoen fördert: fir mech ass Kultur ëmmer e Mëttel fir gesellschaftlech Kohäsioun, fir e méi mënschlech Mateneen a respektfördernd vis-à-vis vun de Matmenschen.
Dofier steet am CSV-Walprogramm och e grouss Kapitel Kultur, weil d´Wichtegkeet an d´Bedeitong vun disem immaterielle Faktor fir d´Gesellschaft an d´Gemeinschaft nët genouch ënnerstrach ka ginn.

Nach ee Wuert zu den digitalen Opportunitéiten am Zesummenhang mat Kultur: et war an diser Legislaturperiod iin vu meine Prioritéiten, d´Digitaliséirung vun der Kultur virun ze dreiwen: all éis Kulturinstitutiounen hunn hiere Budget stark ropgoe gesinn an de leschten 2 Jar, fir dat d´Numérisatioun virugedriwwe konnt ginn (vun de bestehende Bestänn, oder vun neie Projetën). eluxemburgensia, Europeana, lod sinn e puer Beispiller heivun.

alles Goudes, o modert

Gudden Owend Här ,
ech verweise fir d´Äntwert op Aer Fro op di aner Äntwerten, déi am Numm vun der CSV scho gi sinn vun éisen anere Vertrieder, déi all di selwecht Fro vun Iich gestallt kréit hunn.
bescht Gréiss, o modert